საუკუნეების განმავლობაში ლურჯ სუფრას, გარდა ესთეტიკურისა, რიტუალური დანიშნულებაც ჰქონდა და გამორჩეული ადგილი ეკავა ქართულ ყოფაში!

ძველად, ლურჯი სუფრა განსაკუთებულ შემთხვევებში, საქორწინო, ნადირობის სარიტუალო ნადიმისა და საეკლესიო დღესასწაულების აღსანიშნავად იშლებოდა, მოგვიანებით კი ყოველდღიური ყოფის განუყოფელ ნაწილად იქცა.

მასზე დატანილი ფიგურების, სიმბოლოებისა და ტრადიციული ორნამენტების მოხატულობა ქართველი ხალხის უძველეს მსოფლმხედველობას გამოხატავდა!